By: Joshua Kenneth Anas | December 14, 2022
Ginapa-imbestigahan ni Agri Party-list Rep. Wilbert Lee sa natungdan nga House Committee ang hinali nga pagtaas kag indi rasonable nga pagtaas sang catastrophe insurance premium rates.
Ginhalimbawa ni Lee ang insurance sa balay, mga housing loan sa Pag-IBIG, sa GSIS, post-harvest facilities, agri machineries, fishing boats, dryers, mga storage, kag ang Philippine Crop Insurance Corporation ang apektado.
Sa ginduso nga House Resolution No. 632 ginpanindugan ni Lee nga importante nga masolusyunan ini gilayon bangud makaapekto ini sa mga negosyo sa Pilipinas kag publiko.
