By: Joshua Kenneth Anas | December 8, 2022
Sa pagsulod sang tuig 2023, ginalauman ang pagtaas sang presyo sang mga de-lata, noodles, gatas, kag iban pa nga mga produkto.
Ini ang ginkompirmar ni Department of Trade and Industry (DTI) Undersecretary Ruth Castelo, kun sa diin ginpahayag sini nga posible kapin 50 tubtob 70 ka mga produkto ang magapataas sang presyo sa una nga kwarter sang bag-o nga tuig bangud man sa madugay na nga hinyo sang mga manufacturers.
Pahayag ni Castelo nga sadtong Hunyo kag Hulyo pa nagaapelar ang mga manufacturers apang ginklaro sang opisyal nga 30% lamang sang mga produkto ang magamahal kag mas madamo sa gihapon ang wala sang paghulag sa presyo rason nga may pagapilian sa gihapon ang mga konsumidor.
