By: Joshua Kenneth Anas | December 18, 2022
Good news, Kabandera!
Ginkompirmar sang Department of Trade and Industry (DTI) nga indi na magsaka pa ang presyo sang mga produkto nga pang-Noche Buena.
Suno kay DTI Undersecretary Ruth Castelo, wala na sang matabo nga pagtaas sang presyo bangud mas luyag sang mga manufacturers nga mas madasig nga mabakal ang ila nga mga produkto.
Sa karon suno diri, madamo na sang buy one, take one nga ginatanyag sa mga balaligyaan para madasig nga maubos ang stocks.
Samtang, ginpasiguro naman ni Castelo nga supisyente ang suplay sang mga Noche Buena products kag ginasunod sang mga negosyante ang gintalana nga price guide.
