By: Roldan Villareal | December 7, 2022
Ang pungsod India kag China ang ginakabig sa karun pinakadako nga bumalakal sang suplay sang gatong nagikan sa Russia. Ini ang kadungan sang ginapatuman nga sanctions kag restrictions sa pagbakal sang Western nations sang gatong nagikan sa nasambit nga pungsod bangud sa pag atake sa Ukraine.
Sa karun ginabaligya sang Russia sa mas barato nga presyo ang gatong sini sa mga handa magbakal sa Asya agud padayon nga ma control ang merkado sa kalibutan.
Sa tiun magpadayon ini, ginalauman nga ang Russia na ang pinakadako nga supplier sang gatong sang India.
Nagapakig-angut na sa karun ang iban nga pungsod agud makabakal sang mas barato nga presyo sang gatong.
Ginapakita man sang Russia nga indi ini apektado sa ginpatuman nga restrictions kag sanctions sang mga Western nations.
