By: Joshua Kenneth Anas | December 6, 2022
Nagsaka na sa 34 ang mga napatay matapos matabunan sang duta ang ila ginasakyan nga bus bangud sa landslide sa Northwestern Colombia.
Suno kay Interior Minister Alfonso Prada, kalakip sa mga napatay ang walo ka mga menor de edad.
Nagapadayon naman ang search and rescue operation sang mga otoridad kun sa diin siyam na ang nasalbar kag nakaluwas sa insidente.
Ang landslide ang kasunod sang pag-ulan sa banwa sang Pueblo Rico kag Santa Cecilia sa Risaralda Province.
