By: Roldan Villareal | December 15, 2022
Ginkakas sang pungsod China ang mga diplomats sa Britanya pila ka bulan ang nakaligad matapos ang natabo nga pagkastigo sang mga opisyal sa naga protesta sa guha sang konsulada sa Manchester.
Katuyuan sini nga mapahagan-hagan ang tensyon kag malikawan ang ilabi pa nga pagbaylohanay sang mga tinaga batuk sa duha ka pungsod.
Matandaan nga naga protesta sa guha sang konsulada si Bon Chan sang hinali ini nga ginguyod kag ginkastigo pasulod sa amo nga lugar. Ginatudlo nga kalakip sa nagkastigo sa biktima ang consul-general sang China sa Manchester nga si Zheng Xiyuan.
Ang pagpapauli pabalik sa China kay Zheng kag sa iban pa nga may kahilabtanan sa insidente ang nagapakita sang ka seryuso sang duha ka pungsod sa pag aksyon sa nasambit nga insidente.
