By: Abe Ballos | January 8, 2023
Guin-admiter ni Presidente Ferdinand Marcos Jr. nga kabahin sang ila plano sa pagpukan sang ilegal nga droga sa pungsod ang pagpa-resign sa mga senior officials sang Philippine National Police (PNP).
Guin-paathag ni Marcos nga lain ang ila pamaagi kag indi matabo ang problema sa ilegal nga droga kung wala sang imbulbado nga pulis.
Kinahanglan suno sa iya nga lantawon sang maayo kung sin-o ang kahimbon sang mga drug lords kag indi mahimo nga pabalikon sa serbisyo.
Guin-ako man ni Marcos nga kabahin sang pagtinlo sa PNP ang pagbiya sang mga opisyal kag siguruhon sang mga ini nga ang masaligan lang kag wala naga-obra sa sindikato ang mabilin.
Guinpahayag man ni Marcos nga indi pa mahimo kasuhan ang mga nagbugi sa puwesto bangud magapaidalom pa ang mga ini sa rebuy sang pagabug-oson nga komisyon kag igabalik sa serbisyo ang mga naga-kadapat.
Guinpahayag man ni Marcos nga paga-siguruhon sini nga magadaug ang kaso batuk sa mga pagapasakaan sang panumbungon bangud sang drug trade.
Naghingyo man ini nga ipalapta ang iya guinhimo nga video.
