By: Joshua Kenneth Anas | January 8, 2023
Napuno sang nawong ni anay Presidente Manuel A. Roxas ang kada panid sang kalendaryo sang isa ka mag-live in partner sa Legazpi City, Albay bangud sa pinasahi nga ipon challenge nga ila ginhimo sadtong 2022.
Naghatag sang inspirasyon kag nag-ani sang positibo nga reaksiyon sa netizens ang ginhimo nanday Jhoemel Relucio kag Ginalyn Ansus sang Barangay Oro Site.
Sa ila nga video, ginpakigbahin sang duha ang ginhimo nila nga pagbukad sa isa ka kalendaryo nga may nakadikit nga tag-P100 sa kada petsa.
Pag-abot sang Bag-ong Tuig, nakatipon sanday Relucio kag Ansus sang halos P73,000.
Magluwas sa ipon challenge sa kalendaryo, may napain pa sila nga P3,000 nga sensilyuhon sa alkansiya ni Relucio.
