By: Ej Arboleda | December 4, 2022
Patay ang duha ka katapo sang Philippine National Police sa ginpatigayon nga anti-drug operation sa Mabalacat, Pampanga.
Ginkilala ang duha ka pulis nga sanday Master Sergeant Sofronio Capitle Jr., kag Staff Sergeant Dominador Gacusan Jr.
Suno kay Brigadier Gen. Cezar Pasiwen, Central Luzon police director, nga nagapatigayon ini sang drug surveillance operation nga hinali na lang may nag-abot nga lima ka armado nga mga lalaki sakay sa duha ka motorsiklo kag ginpangluthang ang mga biktima.
Suno naman sa mga naka-saksi nga ginpana-ugan pa ini sang mga suspetsado kag ginpangtiro sa ulo.
Padayon sa karon nga gina-ayam ang suspek matapos magpalagyo kasunod ang nasambit nga insidente.
