By: Joshua Kenneth Anas | November 17, 2022
Gin-amyendahan sang Malacañang ang listahan sang mga regular holidays kag special non-working days para sa 2023, nga nagahatag ligwa sa “long weekends.”
Base sa Proclamation 90, nga ginpirmahan ni Executive Secretary Lucas Bersamin sadtong Nobyembre 11, gin-amyendahan ang Proclamation 42 kun sa diin gina-update ang mga regular holidays kag special non-working days.
Sa idalom sang proklamasyon, ang Enero 2, 2023, nga matuon sa adlaw sang Lunes, ang mangin isa ka dugang nga espesyal nga adlaw nga wala sang opisina bilang paghatag pagtamod sa tradisyon sang mga Pilipino nga bisitahon ang ila mga himata kag pamilya.
Ang Enero 1, 2023, ang isa na ka regular holiday sa idalom sang Proclamation 90.
Ginsaylo man sang Proclamation 90 ang Araw ng Kagitingan sa Abril 10, 2023, gikan sa orihinal nga Abril 9, 2023.
Ginsaylo man ang Bonifacio Day sa Nobyembre 27, 2023, gikan sa orihinal sini nga petsa, Nobyembre 30.
Ang mga masunod naman nga adlaw ang gindeklarar bilang regular holiday para sa 2023: New Year’s Day, Enero 1; Araw ng Kagitingan, Abril 10; Huwebes Santo, Abril 6; Biyernes Santo, Abril 7; Labor Day, Mayo 1; Inde¬pendence Day, Hunyo 12; National Heroes Day, Agosto 28; Bonifacio Day, Nobyembre 27; Paskwa, Disyembre 25; Rizal Day, Disyembre 30.
Ang mga Special ukon non-working Days amo ang mga masunod: EDSA People Power Anniversary, Pebrero 25; Black Saturday, Abril 8; Ninoy Aquino Day, Agosto 21 (Lunes); All Saint’s Day, Nobyembre 1; Feast of the Immaculate Concepcion of Mary, Disyembre 8.
Samtang, dugang nga Special Non-Working Days: Enero 2 (Lunes); Nobyembre 2, 2023.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼!
