By: Joshua Kenneth Anas | December 5, 2022
Gintalana subong nga adlaw, Disyembre 5, ang ika-duha nga Bicameral Conference Committee meeting sa tunga sang House of Representatives kag Senate natuhoy sa proposed P5.268-trillion national budget para sa tuig 2023.
Mahibaluan nga ang duha ka panalgan sang Kongreso ang padayon nga nagatalakay agud mahisugtan ang pila ka probisyon sa kinatuhay nila nga bersiyon sang 2023 General Appropriations Bill (GAB).
Sa tion nga magkasugot na ang Senado kag Kamara, maga-enrol na ini sang kopya nga ipadala sa Malakanyang agud pirmahan ni Presidente Ferdinand Marcos, Jr.
Sa Disyembre 14 naman ang katapusan nga session date sang duha ka panalgan sang Kongreso para sa tuig 2022 antes ang ila nga five-week holiday break.
