By: Joshua Kenneth Anas | December 14, 2022
Nagalaum si Presidente Ferdinand “Bongbong” Marcos Jr. nga makaangkon sang panibag-o nga momentum sa trading kag pagnegosyo ang Association of Southeast Asian Nations-European Union Business Summit nga ginahiwat sa karon sa Brussels, Belgium.
Sa closing remarks sang presidente sa summit, ginpasalamatan sini ang Asean-EU Business Council bangud sa suporta sa mga pungsod nga miyembro sang Asean kalakip na ang pagtabang sa pagtaas sang presyo sang mga balaklon sa kasagsagan sang pandemiya sa COVID-19.
Nagalaum naman ang presidente nga isa ka pungsod naman gikan sa Asean ang magaserbi nga host sa masunod nga Asean-EU Business Summit.
