By: Abe Ballos | December 9, 2022
Dakup sang mga operatiba sang PNP Criminal Investigation and Detection Group (PNP-CIDG) ang isa ka barangay kagawad sang Brgy Sta. Ana, San Pablo City, Laguna bangud sa pagbayolar sang RA 10591 ukon Comprehensive Firearms and Ammunition Regulation Act.
Guinkilala ni CIDG Director Police Brig. General Ronald Lee ang suspek nga si Henry Agonia Buenaflor nga guin-arestar mismo sa iya puloy-an.
Ini matapos sang guin-serbe sa iya nga search warrant sang mga tinawo sang CIDG Laguna Provincial Field Unit kaupod ang lokal nga pulisya.
Narekober sa posisyon sini ang isa ka armscor cal. 40 pistol, nagkanari-sari nga mga bala kag magasin.
Sa karon si Buenaflor ang yara na sa kustodiya sang CIDG Laguna samtang guina-preparar na ang nagakaigo nga kaso nga igapasaka batuk diri.
