By: Joshua Kenneth Anas | December 16, 2022
Nagsumiter na ang Department of Health (DOH) sang mga kinahanglanon nga dokumento sa Commission on Audit (COA) natuhoy sa gingastos sang gobyerno sa ginbakal sang COVID-19 vaccines para sa vaccination program.
Mahibaluan nga kahapon nga adlaw, Disyembre 15, nagpadulong si DOH Officer-in-Charge Dr. Maria Rosario Singh-Vergeire sa COA agud isumiter ang kinahanglanon nga dokumento sandig sa special audit nga ginpatigayon sang COA para sa mga COVID-19 vaccine procurements.
Liwat naman nga ginsiguro sang DOH ang padayon nga kooperasyon sa COA para sa iban pa nga mga dokumento kag impormasyon nga kinahanglanon sang komisyon.
