By: Abe Ballos | December 11,2022
Guinasiguro sang Department of Social Welfare and Development (DSWD) nga maka-abot guilayon ang bulig sa mga naapektuhan sang Bagyo nga Rosal.
Sa pahayag ni DSWD Secretary Erwin Tulfo, preparado na ang ila talatapan agud magbulig sa mga Local Government Units (LGUs) hinali kulangon sila sang tinawo.
Guinmanduan ni Sec. Tulfo ang tanan nga mga Field Offices sang DSWD nga magpabilin nga naka-monitor sa sitwasyon sang panahon apisar nga nagapalayo na ang bagyo.
Kanselado sa guihapon ang day-off sang iban nga tinawo sang DSWD partikular sa mga lugar nga maapektuhan ukon naapektuhan sang bagyo base man sa mandu sang tiglikom.
Nagpain naman sang pondo ang DSWD nga guin-balhin na sa Central Office kag Field Office subong man sa National Resource Operations Center (NROC) nga yara sa ₱1.4 billion ang balor samtang igapadala na man ang kapin 547,000 nga family food packs sa mga naapektuhan nga LGUs.
Nagpanawagan sa guihapon ang DSWD sa publiko nga mangin preparado anuman nga oras kag sundon ang mga mando sang lokal nga gobiyerno para sa ila kaluwasan sa diin naga-pakig angut naman sila sa mga field offices agud mahibaluan ang sitwasyon kag kahimtangan sang kada-isa.
