By: Ej Arboleda | December 15, 2022
Gina-abisohan sang Food and Drug Administration (FDA) ang publiko nga maghalong sa pagbakal sang mga produkto ilabi nag gid ang pharmaceutical, cosmetics, kag pagkaon.
Suno kay FDA Public Information Officer Attorney John Benedict Aguzar nga indi sigurado kun na verify sang ahensya ukon may yara sang license to operate kag certificate of product registration ang mga nasambitan nga produkto.
Dugang pa ni Aguzar nga i-check anay sa FDA website kag social media pages antis magbakal sang mga produkto, para masigurado nga indi ini kontaminado ukon may yara sang toxic ingredients nga indi maayo nga epekto sa ika-ayong lawas.
