By: Joshua Kenneth Anas | December 18, 2022
Ginpaidalom sang Department of Health (DOH) sa high alert status ang tanan nga ospital sa bilog nga Pilipinas bilang preparasyon sa pagsug-alaw sa Bag-ong Tuig.
Suno sa DOH, magapatigayon sila sang serye sang inspeksiyon sa mga ospital agud masiguro ang kahandaan sang mga ini sa pagsabat sa mga fireworks-related injury kag anuman nga emerhensiya bilang kabahin sang ila nga “Iwas Paputok” campaign.
Ginaganyat naman sang ahensya ang publiko nga likawan ang pagbakal kag paggamit sang mga palupok sa baylo maglantaw na lamang sang mga community fireworks display kag maggamit sang mga alternatibo nga pamaagi sang pagtuga sang gahod.
