By: Joshua Kenneth Anas | December 6, 2022
Ilabi pa nga nagdasig ang pagsaka sang presyo sang balaklon sini nga Nobyembre 2022 sa Pilipinas antes ang Paskwa.
Mahibaluan nga nag-sky rocket na sa 8% ang inflation rate sadtong tinalikdan nga bulan, nga mas malala pa sa 7.7% sadtong Oktubre.
Tuman ini ka layo kun ikomparar sa November 2021 inflation rate nga naobserbahan sadto nga yara lamang sa 3.7%.
Bangud diri, 5.6% na ang average inflation rate sang pungsod humalin Enero tubtob Nobyembre 2022 nga malayo sa target inflation sang Bangko Sentral ng Pilipinas nga 2% tubtob 4%.
Ang padayon nga pagdasig sang inflation sadtong tinalikdan nga bulan ang tuga sang mas mataas nga year-on-year growth rate sa index sang pagkaon kag indi makahulubog nga ilimnon sa 10% gikan sa 9.4% sadtong Oktubre.
