By: Joshua Kenneth Anas | January 5, 2023
Magasugod na subong nga bulan sang Enero ang pag-usisa sa K to 12 program kag sa bug-os nga basic education system sang Second Congressional Commission on Education (EDCOM II).
Suno kay Sen. Win Gatchalian, chairman sang Senate Committee on Education, may 10 ka tuig nga ginhatag ang kongreso sa EDCOM II para usisaon ang bug-os nga educational system kag himuan sang rekomendasyon agud ilabi pa nga paayuhon.
Gindugang pa ni Gatchalian nga pagatsekyaron sang EDCOM II ang pagtuman sa mga laye nga nagdihon sa Department of Education (DepEd), Commission on Higher Education (CHED) kag TESDA.
