By: Joshua Kenneth Anas | November 21, 2022
Padayunon sa gihapon tubtob sa masunod nga tuig 2023 sang Department of Transportation (DOTr) ang iya nga “Libreng Sakay” program.
Suno kay Senador Sonny Angara, magapadayon ang programa bangud ang pondo para diri ang kalakip sa ginaduso nga 2023 national budget.
Pahayag pa ni Angara, chairman sang Senate committee on Finance nga gindugangan ang budget para sa nasambit nga programa kag si Sen. Grace Poe ang pinuno diri.
Mahibaluan nga una na ginpahayag ni Department of Transportation (DOTr) Assistant Secretary Mark Steven Pastor nga nag-request sila sang P12 billion para mapadayon ang programa sa 2023 para sa commuters kag incentives sa PUV drivers kag operators nga nagpartisipar apang wala ini malakip sa National Expenditures Program (NEP).
Ang Libreng Sakay program sang DOTr kag Land Transportation Franchising and Regulatory Board (LTFRB) ang ginlunsiyar sadtong 2020 base sa Republic Act No. 11494 ukon Bayanihan to Recover as One Act para makabulig sa mga commuter kag sa sektor sang tranportasyon nga tuman nga naapektuhan sang pandemya.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼!
