By: Ej Arboleda | December 13, 2022
Pasado sa ika-tatlo kag pinal nga pagbasa sa Kamara ang House Bill no. 6557 ukon ang hagna nga nagahatag sang dugang nga benipsyo para sa mga Barangay Health Worker (BHW).
Kabahin sa nasambitan nga hagna ang hazard, transportation, subsistence allowance, one-time retirement cash incentive, health benefits kag vacation kag maternity leaves.
Kun mangin layi ang amo nga hagna, magabaton ang nasambit nga mga health workers sang monthly honoraria nga nagabalor sang P3,000; hazard allowance nga indi magnubo sa P1,000 kada bulan; kag subsistence allowance kag transportation allowance nga P1,000 kada bulan.
Dugang pa sini may yara man igahatag nga P10,000 para sa mga BHW nga 15 anyos na nga nagaserbisyo sa ila mga barangay.
