By: Joshua Kenneth Anas | December 16, 2022
Pila ka oras matapos ginsertipikahan nga urgent ni Presidente Ferdinand Marcos Jr., gin-aprubahan na sa Manubo nga Panalgan sang Kongreso sa ikatatlo kag pinal nga pagbasa ang House Bill (HB) 6608 nga may katuyuan nga magdihon sang Sovereign Wealth Fund sa pungsod.
Sa boto nga 279 ka nagpabor, anum ka nagpamalabag kag wala sang abstention, nakalusot ang nasambit nga hagna.
Mahibaluan nga si House Speaker Martin Romualdez ang nag-preside sa plenaryo sang Kamara sa pagbinotohay sa Maharlika Investment Fund (MIF).
Suno kay Romualdez, 90% ukon 282 sang kabug-usan nga 312 ka mamalidha sang Kamara ang nagserbi nga co-author kag nagsuporta sa nasambit nga hagna.
