By: Joshua Kenneth Anas | December 7, 2022
Hugot nga ginapamalabagan sang Makati Business Club kaupod ang 11 ka iban pa nga business groups, ang hagna nga Maharlika Wealth Fund (MWF) nga ginaduso sa karon sa Kongreso.
Pahayag sang grupo, wala sang surpluses ang Pilipinas gikan sa world trading kag state-owned enterprises (SOEs) kapareho sang iban nga nasyon nga may SWF.
Sa karon suno diri, naga-eksperyensiya pa ang nasyon sang fiscal deficit nga 8%-9% sang Gross Domestic Product gikan sa anay 3% lamang antes ang pandemya kag nagtimbuok man ang utang sang pungsod sa 40% tubtob 64% sang GDP.
Magluwas diri, wala man nagakita sang dako ang mga government-owned-and-controlled corporations (GOCC) sang gobyerno rason nga wala ukon manubo ang surpluses.
