By: Joshua Kenneth Anas | December 6, 2022
Indi ideya ni Presidente Ferdinand Marcos Jr. ang ginaduso nga Maharlika Wealth Fund (MWF) sa Kamara.
Ini ang ginhimo nga pagdepensa ni House Senior Deputy Majority Leader kag Ilocos Norte 1st District Rep. Sandro Marcos sa desisyon sang Kamara nga iduso ang Philippine sovereign wealth fund partikular na ang hagna nga P275 bilyon nga Maharlika Wealth Fund.
Suno sa presidential son, una na nga ginduso ang kapareho nga hagna sa mga tinalikdan nga administrasyon.
Mahibaluan nga si Sandro kaupod ang iya tiyo nga si Speaker Martin Romualdez ang author sang House Bill 6398 ukon ang Sovereign Wealth Fund Bill.
