By: Joshua Kenneth Anas | December 8, 2022
Indi na magkuha sang pondo sa Social Security System (SSS) kag Government Service Insurance System (GSIS) ang ginaduso nga Maharlika Wealth Fund (MWF) Bill sa Kamara.
Ini matapos magdesisyon si House Speaker Martin Romualdez kag iban pa nga mga lider sang Kamara nga kakson na ang SSS kag GSIS sa pagakuhaan sang pondo sa MWF.
Ginpahayag ni House Committee on Appropriations Vice Chairman kag 2nd District Marikina City Rep. Stella Luz Quimbo nga nagpakigsapol si Romualdez sa mga economic managers agud usisaon sang husto ang MWF bill nga gin-draft sang economic team ni Presidente Ferdinand Marcos Jr.
Ang House Bill 6398 ukon MWF ang ginduso nanday Romualdez, Senior Deputy Speaker Ferdinand Alexander “Sandro” Marcos, Senior Deputy Speaker Gloria Macapagal Arroyo kag iban pa nga mamalidha nga una nagpahayag nga pabor sila nga busisi-on kag tun-an sang husto ang nasambit nga hagna.
