By : Abe Ballos January 6, 2023
Nagsubmiter na sang iya nga “courtesy resignation” si Manila Police District (MPD) Dir. Police Brig. Gen. Andre Dizon.
Ini bilang pagkasa sa nangin panawagan ni Department of Interior and Local Government (DILG) Sec. Benhur Abalos nga magsubmiter sang courtesy resignation ang mga full-fledged colonel kag generals sa tuyo nga mapahalin ang mga opisyal nga imbulbado sa sindikato sang ilegal nga droga.
Sa atubang sang iya mga tinawo sa MPD headquarters, guinpakita ni Dizon ang iya courtesy resignation.
Emosyonal si Dizon samtang guina-anunsyo ang courtesy resignation sini sa diin napadala na man sini ang kopya sa headquarters sang Philippine National Police (PNP) sa Camp Crame kag National Capital Region Police Office (NCRPO) sa Camp Bagong Diwa sa Taguig City.
Guinpahayag ni Dizon nga suportado sini si Abalos kag ang tuyo nga matinluan ang hanay sang Pambansang Pulisya halin sa pagka-imbulbar sang mga ini sa ilegal nga droga.
Suno sa iya sa sulod sang kapin 30 anyos nga serbisyo, subong lang ini nagkasar sa panawagan agud maprotehiran ang iya kredibilidad subong man ang PNP.
