By: Joshua Kenneth Anas | December 15, 2022
Ginklaro sang consultant sang National Telecommunications Commission (NTC) nga wala sang limitasyon kag ginapasugtan ang multiple SIM registration, sa idalom sang implementing rules and regulations (IRR) sang SIM Card Registration Act.
Sa pihak sini, ginpaandaman naman ni Engr. Edgardo Cabarios ang publiko sa peligro sa pag-angkon sang multiple SIM cards, kalakip diri ang pagkonsiderar bilang suspek sa fraud, pananglitan nga ang ila numero ang maulamid sa ilegal nga aktibidad.
Nakasaad sa IRR nga dapat anay beripikahon sang telco firms ang mga ginsumiter nga impormasyon kag datos sang SIM card owner, sandig sa mga aplikable nga probisyon sang Data Privacy Act, sang IRR sini kag iban pa nga mga issuances sang National Privacy Commission.
