By: Ej Arboleda | January 8, 2023
Arestado ang mag-asawa sa ginkasa nga drug buy-bust operation sa Sitio Bukid, Barangay Calapacuan Subic, Zambales.
Ginkilala ang mga suspetsado nga sanday Joemmeir John Leapart alyas ‘Jun Marzan’ kag Angelica Leapart alyas ‘Ange,’ nga residente sang nasambit nga lugar.
Narekober sa paghinakop sang mag-asawa ang 14 tanan ka sachets sang ginaalegar shabu, P3,000.00 nga buy bust money kag mga drug paraphernalia.
Nagdangat naman sa P1,544,960 ang balor sang 227.2 gramos nga droga ang narekober.
Nahibaluan nga si Joemmeir ang isa ka high value individual nga top priority target sa regional level kag miyembro sang Naldi Drug Group.
Sa karon nakahunong na sa karsel sang Subic PNP ang mga suspetsado kag natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
