By: Joshua Kenneth Anas | November 7, 2022
Maggagastos ang administrasyon ni Presidente Ferdinand Marcos Jr. sang P2-6.5 bilyon gikan sa national budget sang pungsod sa 2023 para sa paghatag sang ayuda sa mga pigado nga pamilya agud mahagan-hagan ang epekto sang inflation, suno sa Palasyo sang Malakanyang.
Ang nasambit nga kantidad ang iga-buhin sa P5.268 trilyon nga balor sang 2023 National Expenditure Program nga ginsumiter sa Kongrero para aprubahan, suno sa Office of the Press Secretary.
May pinakadako nga batunon ang Department of Social Welfare and Development nga painan sang P165.40 bilyon para sa magkatuhay sini nga mga ‘social assistance programs’.
Kalakip man sa gastusan ang subsidiya para sa petrolyo sang mga pampubliko nga drivers nga magabalor sang P2.5 bilyon bangud sa padayon nga pagsaka sa pangkalibutanon nga presyo sang langis.
Magapain man sang P1 bilyon para sa fuel subsidy para sa mga mangunguma kag mangingisda nga iga-dumala sang Department of Agriculture ang distribusyon.
Nagabalor naman sang P22.39 bilyon ang makadto sa Department of Health para sa ila nga Medical Assistance to Indigent and Financially-Incapacitated Patients, samtang P14.9 bilyon ang igapa-in para sa TUPAD program sang Department of Labor and Employment (DOLE).
May ginpain man nga P115.6 bilyon para sa Pantawid Pamilyang Pilipino Program ukon 4Ps, P25.3 bilyon para sa pension sa mga Indigent Senior Citizens; P19.9 bilyon sa Protective Services for Individuals and Families in Difficult Circumstances; kag P4.4 bilyon para sa Sustainable Livelihood Program.
Ginpainan man sang P47.4 bilyon ang Universal Access to Qua¬lity Tertiary Education Program; P110.2 bilyon para sa National Health Insurance Program ng Philippine Health Insu¬rance Corporation; P1 bilyon para sa COVID-19 compensation package sakop ang kapin 65,293 healthcare workers; kag P19 bilyon para naman sa public health emergency benefits and allowances sang 526,727 healthcare workers.
Agud makahatag sang bulig-pinansyal sa 1.6 milyon ka pigado nga pamilya nga indi makakuha sang kalidad nga serbisyo-medikal, nagpain man ang gobyerno sang P22.4 bilyon para sa ‘medical assistance to indigent and financially-incapa¬citated patients’.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼!
