By: Ej Arboleda | December 15, 2022
Nakumpiskar sang Bureau of Customs (BOC) ang P3.86 million nga balor sang ilegal nga droga nga nakatago sa foot massager, container, kag sa mga dulce sa Ninoy Aquino International Airport (NAIA).
Sa ginhiwat nga physical examination sang BOC sa mga parcel, natukiban nga may yara sang 2,040 kabilog nga ginasuspetsahan nga ecstasy tablets sa sulod sang foot massager, 317 container, samtang 14 kabilog naman sa mga dulce kaupod sang cannabis oil.
Suno sa BOC nga ang nasambitan nga mga parcel nga may yara sang sulod nga mga ecstasy pills nagikan sa pungsod France nga ang consignee taga Pasig City samtang ang container naman nagikan sa Estados Unidos nga padulong sa mga consignee sini sa Manila,kag Parañaque City.
Sa karon gin-turn over na sang BOC sa Philippine Drug Enforcement Agency (PDEA) ang nasambitan nga mga illegal nga droga para sa nakaigo nga imbestigasyon.
