By: Joshua Kenneth Anas | December 6, 2022
Gin-ratipikahan na sang duha ka panalgan sang Kongreso ang Bicameral Conference Committee report sa hagna nga P5.268 trilyon nga 2023 national budget sang gobyerno.
Sa boto nga viva voce, nangibabaw ang pagpabor sang mga kongresista sa House Bill 4488 ukon ang General Appropriations Act.
Mismo si House Speaker Martin Romualdez ang nag-preside sang session sang ratipikahan ang 2023 GAB.
Bangud diri, nakasiguro na nga mapirmahan ni Presidente Ferdinand Marcos Jr. ang national budget sa target nga antes ang Paskwa.
