By: Joshua Kenneth Anas | December 8, 2022
Ginkompirmar ni House Speaker Martin Romualdez nga posible pirmahan ni Presidente Ferdinand Marcos Jr. ang P5.268 trilyon nga 2023 national budget bill matapos ang iya nga ASEAN-European Union (EU) Commemorative Summit sa Belgium nga natalana sa Disyembre 11-14, 2022.
Matandaan nga lunsay ginratipikahan na sang duha ka panalgan sang Kongreso – ang Kamara kag Senado – ang separado nga Bicameral Conference Committee report sa 2023 General Appropriations Bill (GAB).
Mahibaluan nga ang nasambit nga kantidad sang pungsodnon nga pondo ang makabig pinakamataas sa maragtas sang nasyon kag ini man ang labing-una nga full-year outlay sang administrasyon ni Marcos.
