By: Joshua Kenneth Anas | January 4, 2023
Temporaryo nga ginsuspinde sang Department of Social Welfare and Development (DSWD) ang cash payout para sa Assistance to Individuals in Crisis Situations (AICS) program tubtob nga matapos ang pag-proseso sang pondo sang ahensiya para sa tuig 2023.
Ini ang ginpahayag mismo ni DSWD spokesperson Assistant Secretary Romel Lopez sa isa ka public briefing.
Suno sa opisyal nga ang temporary suspension ang masami ginahimo sa kada pagsugod sang tuig kag liwat nga magabukas matapos ang isa tubtob duha ka semana.
