By: Abe Ballos | November 20, 2022
Balik –pungsod na si Presidente Ferdinand “ Bongbong “ Marcos Jr. matapos nga mag-atinder sa 29th Asia-Pacific Economic Cooperation (APEC) Summit sa Bangkok, Thailand.
Las-10:39 kagabi sang nag-abot sa Manila ang presidente kaupod ang delegasyon sang Pilipinas.
Sa iya report sa pungsod , guin isa-isa ni Presidente Marcos ang mga topiko nga guinhinalaan sa summit sang mga leader kag tiglawas sang 21 ka member economies kapareho sang isyu sa climate change, supply chain, food supply, digitalization kag women empowerment.
Guinlaragway ini sang presidente bilang isa ka mapinuslanon kag produktibo nga proseso.
Sa summit, guinganyat ni Marcos ang APEC member economies nga hatagan pagtamod ang mga pagpanghangkat nga guina-pangatubang sang rehiyon sa service sector partikular ang shipping kag logistics sectors nga nagaserbe “backbone” sang global trade and investment.
Dapat man suno sa iya nga iprayoridad ang food security, padayon nga mag-invest sa pandemic preparedness kag siguruhon ang kapag on sang global health system.
Guintawag naman sang presidente nga “the greatest existential threat” ang climate change nga dapat hatagan pagtamod sang APEC leaders subong man ang pagpakusog sang suporta sa digitalization sang micro, small and medium enterprises (MSMEs).
Nahibaluan nga nag-angkon sang bilateral meeting si Marcos sa mga lider sang China, Saudi Arabia, France, New Zealand kag Australia.
Nagpakigkita man ini sa mga Thai businessmen kag sa Filipino community.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼!
