By: Abe Ballos | December 14, 2022
Indi na madayon ang kapihan with the media ni Presidente Ferdinand Marcos Jr. nga natalana kuntani las 6:00 sang gab-I ,oras sa Belgium samtang las 10:00 sang magaaga sa Pilipinas.
Ini matapos nga mamaos,guin-sip-on kg guin-ubo ang president bangud sa tuman nga lamig sa Brussels , Belgium.
Ini ang pagpahayag ni House Speaker Martin Romualdez matapos nga mag-tal-os ini sa dapat kuntani kapihan with the media ni Presidente Marcos Jr. kagab-i.
Suno kay House Speaker Romualdez, nagsugod ang paglain sang pamatyag sang president kahapon sa diin talalupangdon na ang pag-pamaos sang tingog sini.
Ini ang rason nga ila guin-pahanumdom ang presidente nga magpahuway na lang temporaryo bangud madamu pa ini sang nakalinyada nga pagpulong , particular na ang bilateral meetings sa nagkalain-lain nga lider sang kapungsuran sa pungsod Europa.
Sumugod Disyembre 11, 2022, sang mag-abot ang president sa Brussels, Belgium sa diin sunod sunod nga -2, -3 kag -4 degree Celsius ang klima sa Brussels, Belgium.
