By: Abe Ballos | January 5, 2023
Una nga maga-submiter sang courtesy resignation si Philippine National Police (PNP) Chief Police Gen. Rodolfo Azurin Jr.
Ini ang kasunod sang panawagan ni Department of the Interior and Local Government (DILG) Sec. Benhur Abalos para sa igapatigayon nga internal cleansing sa hanay sang PNP.
Suno kay PNP Public Information Office Chief Col. Red Maranan, ini ang resulta sang guinpatawag nga command conference ni Gen. Azurin sa Camp Krame kahapon kaupod ang mga colonel kag generals sang PNP.
Guinpahayag ni Maranan nga suportado sang liderato sang PNP ang panawagan ni Abalos.
