By: Joshua Kenneth Anas | December 9, 2022
Magatambong sa Asia Pacific Economic Cooperation (APEC) leaders meeting sa Estados Unidos sa Nobyembre 2023 si Presidente Ferdinand Marcos Jr.
Ini ang ginkompirmar ni Philippine ambassador to the US Jose Manuel Romualdez.
“President Marcos will be coming in November for the APEC meeting in the West Coast. I am confirming that President Marcos will be attending together with all the leaders who have been invited to APEC,” suno kay Romualdez.
Gindugang pa sini nga magapakigsapol si Marcos sa American business groups para talakayon ang posible nga investments sa pungsod.
Magluwas diri, handa man sa sini nga kahigayunan ang Pilipinas nga ipakita ang reporma kag economic programs sa nasambit nga pagtililipon para makaganyat sang investors.
Gin-anunsiyo naman ni US Vice President Kamala Harris nga ang summit ang patigayunon sa Nobyembre 12 sa San Francisco California kag bilang host country, magapakig-angut sila sa APEC economies para maghimo sang bag-o nga sustainability kag decarbonization commitments.
