By: Joshua Kenneth Anas | January 6, 2023
Ginapa-imbestigahan sang Makabayan Bloc sa House Committee on Agriculture and Food ang posible nga manipulasyon sa pagtaas sa presyo sang sibuyas sa pungsod.
Ini ang nasaad sa House Resolution 673 nga ginduso nanday Gabriela Women’s Party-list Representative Arlene Brosas, ACT Teachers Party-list Representative France Castro kag Kabataan Party-list Representative Raoul Manuel.
Gintumod sa resolusyon nga sadtong Setyembre tubtob Oktubre sadtong tinalikdan nga tuig, nagsaka sa ₱300 tubtob ₱400 ang kada kilo sang sibuyas.
