By: Ej Arboleda | December 19, 2022
Patay ang isa ka pulis matapos ginhatuk-hatok buno sang iya misis sa Barangay Pawing, Palo, Leyte.
Ginkilala ang biktima nga si Police Staff Sergeant Kerwin Pasana, 47 anyos, nga nakadestino sa Regional Headquarters Support Unit.
Nakilala naman ang iya misis kag suspetsado sa krimen nga si Ronalyn Pasana, 33 anyos kag residente sang nasambit nga lugar.
Sandig sa imbestigasyon sang kapulisan, nag-abot ang biktima sa ila puloy-an takna alas dos sang aga kag ginsugata sang ka-akig sang iya misis rason nga nag-inaway ini nga ginsundan pa sang pagsakitanay sang mag-asawa.
Bangud sini nagkuha sang kutsilyo ang suspetsado kag gintahuk-hatok buno sini ang biktima nga nag-angkun sang patal nga pilas sa magkatuhay nga parte sang lawas.
Sa karon nakahunong na sa karsel sang Palo Municipal Police Station suspetsado kag nakatalana pasakaan sang panumbungon nga parricide.
