By: Abe Ballos | January 5, 2023
Wala pa sang opisyal nga pagpahayag agud suguran ang pag-panghatag sang indi pa bayad nga suweldo sang 10,000 ka overseas Filipino workers ( OFW ) sa Saudi Arabia.
Sa Laging Handa public briefing, guinpahayag ni Department of Migrant Workers (DMW) Usec. Hans Leo Cacdac,guina-hinalaan pa lang sa karon sang gobiyerno sang Pilipinas kag Saudi Arabia ang mga detalye para sa pagpatuman sini.
Una na nga nagpasalig ang Saudi Arabia government sang bulan sang Nobyembre nga bayran ang 2 billion Saudi riyals ukon P 30.5 billion nga mga OFW nga wala mabayaran sang ila mga employers sa Saudi Arabia bangud naputo ang negosyo.
Suno kay USEC Cacdac, nagabantay sa opisyal nga pahayag sang DMW ang mga natungdan nga PFW angut diri kag indi magpati sa mga anunsiyo ukon mga middleman angut sa pag-release sang pondo para diri.
