By: Joshua Kenneth Anas | December 5, 2022
Ginpasiguro sang Senado nga pagabusisi-on sini ang ginaduso nga Maharlika Investment Fund Bill, isa ka lihok sa paghimo sang sovereign wealth fund (SWF).
Suno kay Senate President Miguel Zubiri, magahinyo ini kanday Senators Sonny Angara, Win Gatchalian, Grace Poe, Mark Villar, kag Alan Cayetano nga magpangusisa natuhoy sa nasambit nga isyu.
Pahayag sini nga kinahanglan nga siguruhon nga kinahanglanon gid man ang Sovereign wealth fund kag dapat nga madumala ini sang husto agud malikawan ang korapsiyon.
Mahibaluan nga ang pondo para diri ang pagakuhaon sa government financial institutions kalakip ang Government Service Insurance System (GSIS) kag Social Security System (SSS).
