By: Joshua Kenneth Anas | December 12, 2022
Nagtaas ang mga kaso sang “online sexual exploitation” sang mga kabataan nga Pilipino sa Pilipinas, base sa datos sang Department of Justice.
Ginpahayag ni DOJ spokesperson Mico Clavano nga sa pagtuon sa IP addresses para sa Child Sexual Exploitation (CSE) sa pungsod, gikan sa 2,326 IP addresses sadtong 2014, nagsaka ini sa 4,872 pagka-2017.
Suno naman sa Anti-Money Laundering Council (AMLC), may yara sang 130% nga pagtaas sa Suspicious Transaction Reports (STRs) nga posible may kahilabtanan sa “online sexual abuse or exploitation of children (OSAEC)” humalin 2019 tubtob 2020.
Gikan sa 19,013 STRs sadtong 2019, nareport nga nagsaka ini sa 47,937 sadtong 2020.
