By: Joshua Kenneth Anas | January 3, 2023
Nag-apelar si Presidente Ferdinand “Bongbong” Marcos Jr. sa mga Filipino nga maghugpong kag mangin solido bilang isa ka pungsod sa pag-atubang sa mga pagtilaw sa palaabuton.
Sa mensahe ni Marcos sa pagsug-alaw sa Bag-ong Tuig, handom sini nga magpadayon ang pagbuligay sang tanan agud malab-ot ang maayo nga bwasdamlag para sa mayoriya sang pumuluyong Filipinhon.
Ginpahayag pa sini nga buhi ang baganihan sa mga Pilipino rason nga padayon ang pag-atubang sa mga pagtilaw nga amo ang nagapabakod sa tanan bilang isa ka nasyon.
