By: Joshua Kenneth Anas | December 8, 2022
Ilabi pa nga nagtimbuok ang utang sang Pilipinas sa P13.64 trilyon sadtong Oktubre bangud sa padayon nga paghulam sang gobyerno sa mga lokal kag dumulu-ong nga mga nagapautang.
Sa datos sang Bureau of Treasury, yara sa P13.51 trilyon ang utang sang pungsod sadtong tinalikdan nga Setyembre nga nadugangan gilayon sang P123.9 bilyon ukon .92% nga pagtaas.
Sa pagsugod sang 2022, nagsaka na sang P1.91 trilyon ukon 16.31% ang utang sang pungsod.
Sa kabug-usan nga utang sang gobyerno, P9.36 trilyon ukon 68.58% ang ginhulam sa mga local lenders, samtang ang nabilin nga P4.29 trilyon ang gikan naman sa mga dumulu-ong nga lenders.
