By Abe Ballos | December 14 . 2022
Nagapati si Vice President Sara Duterte nga matuman ang iya handum nga mapalapad pa ang inobasyon sa sektor sang edukasyon sa bug-os nga pungsod.
Sa iya mensahe sa ceremonial turn-over sang school uniforms sa San Juan City kahapon, guin-awhag sang bise presidente ang local government units (LGU) nga suguran na ang inisyatibo sa pagpaayo sang edukasyon sa bulig sang digitalization.
Guindayaw man sini ang siyudad sang San Juan bangud sa pagpatigayon sang programa nga magahatag sang tig-isa ka gadget sa tags aka estudyante lakip na ang pagkabit sang fiber optic internet connection sa 13 ka pampubliko nga eskuwelahan.
