By: Joshua Kenneth Anas | November 20, 2022
Ginakabig nga pinasahi ang Shichi-Go-San ceremony sa Japan subong nga tuig bangud sa baylo nga mga bata, mga robot nga ido ang nangin sentro sang seremonya.
Base sa report, ginaselebrar ang Shichi-Go-San kag ginapangamuyuan nga mangin mapagros kag malipayon ang pagdaku sang mga bata nga edad 3, 5, kag 7 anyos.
Apang bangud magagmay ang numero sang mga nagabata sa Japan, mga robotic nga “Aibo” na lamang ang ginabendisyunan sa Tokyo Shrine.
Nangin patok ang Aibo sa kasagsagan sang pandemiya sa kadamuon sang mga nagapangita sang “mental healing”.
Ang ini nga mga robot dog ang may sensors sa tiil, built-in camera sa nawong, kag high-tech nga mga tunog.
Nagabalor sang $3,000 ukon masobra P172,000 ang presyo sang kada ido.
Apang madamo ang nalingaw diri bangud sa Artificial Intelligence nga nagatalana sang behavior sang robot base sa kagustuhan kag batasan sang tag-iya.
Bangud diri, tuman nga “emotional attachment” ang nagapatunga sa robot kag sa naga-alaga sini.
“I’m very happy that I was able to come and celebrate [my Aibo] Samba’s three-year Shichi-Go-San ceremony. I hope this little one stays healthy,” pahayag sang isa ka Hapon.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼!
