By: Joshua Kenneth Anas | December 18, 2022
Pinasahi ang nangin epekto sa isa ka babaye nga nahulugan sang bata ukon nakaangkon sang miscarriage.
Bangud indi niya mabaton ang pagkadula sang iya ginadala nga lapsag sa tagu-angkan, nakaangkon siya sang pinasahi nga anak nga ginatawag nga ‘reborn doll’.
Sa isa ka video, makit-an nga ginahatagan ni Toni Daly sang gatas ang iya ‘anak’, ginailisan, kag ginpahimuan pa sang nursery.
Sadtong 2017, yara na sa 12 weeks ang ginabusong sang ginang kag nagaisahanon lamang matapos nagbulagay sila sang iya nga partner.
Bangud indi mabaton ang pagkadula sang iya mangin ‘baby’, nakaapekto ini sa iya nga mental health.
Nakaangkon ini sang phantom pregnancy ukon pseudocyesis nga isa ka kondisyon nga nakaangkon sang sintomas sang pagbusong ang isa ka babaye apisar wala sang lapsag sa iya tagu-angkan.
Tubtob nga nagdesisyon siya nga magpalantaw sa psychiatrist kag nagbakal sang reborn doll nga ginhingadlan sini nga si ‘Ben’.
