By: Jan Patrick Armiza | December 12, 2022
Madamo ang naham-ot sa isa ka laragway sang motorista nga naghimo sang ‘snowman’ sa tunga sang mabug-at nga trapiko sa UK.
Suno sa nagtweet sang laragway, madamo ang nastranded nga motorista sa A406 Highway bangud sa pagbubo sang madamo nga snow sa lugar.
Apang isa sa mga motorista ang kinapoy hulat sa wala nagahulag nga trapiko, rason nga naghimo ini sang ‘life-sized’ snowman para lingawon ang kaugalingon.
Sa karun, ginakalangkagan ang nasambit nga tweet bangud sa positibo nga kahimu-an sa tunga sang katalagman sang wala makilalan-an nga motorista.
