By: Joshua Kenneth Anas | December 6, 2022
‘High-tech’ ang nangin solusyon sang isa ka kompanya sa kakulangan sang mga tubero sa Japan.
Ang ila imbensiyon, spider robots nga astig ang porma.
Base sa report, kasubong sang isa ka daman gang robots nga may 360-degree camera kag gina-kontrol sa bulig sang gaming pad.
Gin-disenyo ang mga ini para mag-survey sang mga tubo nga may tagas kag iban pa nga problema.
Suno sa Japanese robotics firm nga TMSUK, ginhimo nila ang SPD1 bangud sa kakulangan sang mga tubero sa ila pungsod.
“The robots can investigate and work individually or in groups with the 1st robot leading the way, the 2nd robot recording the surveyed location, and the 3rd robot doing work on the required location,” pahayag sang TMSUK, developer sang SPD1.
Bangud general-purpose robot technology ang gingamit, puwede man dugangan sang piyesa ang SPD1 kapareho sang workable arms para magamit sa iban pa nga hilikuton.
