By: Jan Patrick Armiza | December 4, 2022
Isa ka maswerte nga babayi ang nagbun-ag sa isa ka matahom nga lapsag sa North Carolina, USA kag nangin madinalag-on sa Powerball Lotto pila ka oras matapos mag ‘labor’.
Ginkilala ang maswerte nga ginang nga si Brenda Gomez Hernandez, 28 anyos kag naga-isahanon nga nagda-og sang masobra $100,000 nga lotto jackpot.
Suno sa kay Hernandez, nagbakal ini sang lotto ticket, pila ka oras bag-o ini ginsugod sa pinakamalapit nga ospital tungod sa paglupok sang iya sini nga panubigan.
Apang matapos niya mabun-ag ang babayi sini nga lapsag, natingala ang ginang sang malipayon nga ginbalita sang iya asawa nga nagda-og ang mga numero nga gintay-an sini.
Sa karun, ang nadag-an sang ginang nangin sabat sa balayaran sini sa ospital, kag pagagamiton sa pagpadako sa ginakabig nga ‘lucky baby’.
